5 жонелис бойынша

    Өзбекстан Республикасы Президенти Ш.Мирзиёев басшылығында 2019-жыл 19-мартта өткизилген видеоселектор мәжлисиниң «Жаслар менен бирге ислесиўди нәтийжели шөлкемлестириўде мәденият, көркем-өнер, спорт, ахборот технологиялары, китап оқыўға қызығыўшылығын асырыў бойынша 5 әҳмийетли басламаны әмелге асырыў ҳаққында»ғы 12-санлы баянламасында жас аўладты руўхый жетик етип тәрбиялаў, олардың бос ўақытларын мазмунлы өткериў мақсетинде “Өзбеккино” Миллий агентлигиниң 2018-жыл 18-майдағы №124-санлы буйрығына муўапық мәмлекетлик буйыртпа тийкарында “Қарақалпақфильм” киностудиясында сүўретке түсирилген “Оқылмаған хат” атлы көркем фильми Республикамыздың барлық аймақларындағы билим бериў мектеплеринде оқыўшы жасларға көрсетилмекте.
    Оқылмаған хат” фильминде өзимиздиң аўылларымыздағы мектеп оқыўшылары өмири, турмыслық ўақыялары, ата-ана, мектеп, балалар мүнәсибетлери ҳаққында сөз етилген.
    Фильм балалардың футболға қызығыўшылығына, олардың балалық шоқлығына толы эпизодлар менен сәўлеленген.
    Роллерди толығы менен қарақалпақ актёрлары менен бирге мектеп оқыўшылары атқарған.
    Сондай-ақ, Қарақалпақ киносының жас кинорежиссёрларының бири болған Марс Орынбасаровтың “Устаз” атлы қысқа метражлы дебют көркем-фильми мектеп турмысынан алынған болып, устаз-шәкирт арасындағы мүнәсибетлерге арналған үлкен тәрбиялық әҳмийетке ийе, ҳәзирги заман қаҳарманын сүўретлеўши фильм болып есапланады.
    Бул фильмлер кең жәмийетшилик, жаслар тәрбиясы ҳәм балалар турмысында жүдә әҳмийетли орын тутады.
    Бул жумыслар бойынша билим бериў мектеплеринен агентликге миннетдаршылық билдирилмекте.


    Sonday-aq

Ko'p oqilg'anlar

Kalendar

«    Июнь 2021    »
ПнВтСрЧтПтСбВс
 123456
78910111213
14151617181920
21222324252627
282930